ხელვაჩაურში აგრომომსახურების ცენტრის მშენებლობა მიმდინარეობს
დღეს, აჭარის სოფლის მეურნეობის მინისტრის მოვალეობის შემსულებელი ავთანდილ მესხიძე და მინისტრის მოადგილე რუსლან ქორიძე იმყოფებოდნენ ხელვაჩაურის მუნიციპალიტეტში, სადაც დაათვალიერეს ა(ა)იპ აგროპროექტების მართვის ცენტრის 2017-2018 წლის ქვეპროგრამის ,,ადგილობრივად წარმოებული პროდუქციის რეალიზაციის ხელშეწყობა’’- ფარგლებში, სასოფლო-სამეურნეო აგრომომსახურების ცენტრის მშენებლობის მიმდინარეობა.
ცენტრი აღიჭურვა, სამაცივრე დანადგარებით, სოფლის მეურნეობის პროდუქციის დამხარისხებელ-შემფუთავი ტექნოლოგიური ხაზით, შესაბამისი სატრანსპორტო და წარმოების სხვა საშუალებებით, რომლებიც უზრუნველყოფენ პროდუქციის ტრანსპორტირებას, დახარისხებას, შენახვასა და სარეალიზაციო ქსელში მოხვედრას.
აღნიშნული ქვეპროგრამის ბიუჯეტი 2 644 540 ლარია. აგრომომსახურების ცენტრების მშენებლობა რეგიონის ყველა მუნიციპალიტეტში მიმდინარეობს.
