ხელვაჩაურის კულტურისა და ხელოვნების ცენტრში გაიმართა სპექტაკლის – „კაცი რომელსაც ლიტერატურა ძლიერ უყვარდა“ ჩვენება, აჭარის კულტურის სამინისტროს პროექტის „კულტურა მთაში“ ფარგლებში, სპექტაკლი დაიდგა ცნობილი ქართველი მწერლის გურამ დოჩანაშვილის ნაწარმოების მიხედვით.
დადგმაში მონაწილეობდნენ როგორც პროფესიონალი, ისე მოყვარული მსახიობები, რომლებმაც მაყურებელს სპექტაკლის საინტერესო ინტერპრეტაცია შესთავაზეს. სპექტაკლის ჩვენება აჭარის ყველა მუნიციპალიტეტში გაიმართება. სპექტაკლმა კიდევ ერთხელ წარმოაჩინა ქართული ლიტერატურული მემკვიდრეობის მნიშვნელობა და ხაზი გაუსვა როლს ადამიანის ყოველდღიურ ცხოვრებაში.
სპექტაკლის ჩვენებას ესწრებოდნენ ხელვაჩაურის მუნიციპალიტეტის მერის მოადგილე გიორგი ქარცივაძე, საკრებულოს თავმჯდომარე არჩილ მხეიძე, მერიისა და საკრებულოს წარმომადგენლები, მოწვეული სტუმრები, კულტურის სფეროს წარმომადგენლები და თეატრის მოყვარულები.
