ხელვაჩაურის კულტურის ცენტრში, აჭარის კულტურის სამინისტროს შემოქმედებითი პროექტების საგრანტო კონკურსის გამარჯვებული პროექტის „არ დავივიწყოთ ქართული“ ფარგლებში, თეატრალური პრემიერა „ფესვები საქართველოა“ ჩვენება გაიმართა.
ღონისძიებას ხელვაჩაურის მუნიციპალიტეტის მერი ზაზა დიასამიძე, აფხაზეთის იძულებით გადაადგილებულ პირთა მინისტრ დავით ფაცაციასთან, საკრებულოს თავმჯდომარე არჩილ მხეიძესათან და აჭარის კულტურის მინისტრის პირველი მოადგილე ვლადიმერ მგალობლიშვილთან ერთად დაესწრო.
პრემიერაში მონაწილეობდნენ 8-დან 18 წლამდე ასაკის სკოლის მოსწავლეები და აჭარის რეგიონში მცხოვრები აფხაზეთის ტერიტორიიდან იძულებით გადაადგილებულ პირთა ოჯახების წარმომადგენლები.
პროექტი „არ დავივიწყოთ ქართული“ მიზანია ახალგაზრდებში ქართული კულტურისა და ისტორიის პოპულარიზაცია, მოზარდების კულტურულ – საგანმანათლებლო პროცესში ჩართულობის ხელშეწყობა, ეროვნული თვითშეგნების ამაღლება და ქართული იდენტობის განმტკიცება.
სპექტაკლის პრემიერას ასევე ესწრებოდნენ აჭარის უმაღლესი საბჭოს წევრები მინდია დიასამიძე, რამაზ ჯინჭარაძე და ლაშა სირაბიძე, მერის მოადგილეები, საკრებულოს წევრები, სასულიერო პირები და ადგილობრივი ხელისუფლების წარმომადგენლები.
