ხელვაჩაურის მუნიციპალიტეტში, სოფლის მეურნეობაში ჩართული ფერმერებისთვის, აჭარის სოფლის მეურნეობის სამინისტროს ხელშეწყობით სასოფლო-სამეურნეო ფართობების უსასყიდლო დამუშავების პროცესი მიმდინარეობს.
ფერმერებს სახნავ-სათესი ფართობების დამუშავება უფასოდ შეუძლიათ, მიმდინარე წელს პროგრამის ფარგლებში ხელვაჩაურის მუნიციპალიტეტში სულ 250 ჰა- ფართობი დამუშავდება.
მიწის დამუშავების პროცესში ჩართულია ტექნიკა და აგრო-ვადების შესაბამისად ხორციელდება სასოფლო-სამეურნეო დანიშნულების მიწის ნაკვეთების დამუშავების პროცესი, ეს არის ძალიან მნიშვნელოვანი პროექტი ადგილობრივი ფერმერებისათვის. ისინი შეძლებენ დროულად თესვის სამუშაოების განხორციელებას.
ხელვაჩაურის მუნიციპალიტეტში სასოფლო-სამეურნეო სამუშაოების განხორციელების პროცესს აჭარის სოფლის მეურნეობის მინისტრი ზაზა შავაძე, ხელვაჩაურის მუნიციპალიტეტის საკრებულოს თავმჯდომარე თენგიზ ირემაზე, მერიის სამსახურის წარმომადგენლები, მინისტრის პირველი მოადგილე არჩილ ბერიძე და აგროსერვის ცენტრის ხელმძღვანელი პირები ესწრებოდნენ.
