🎓 ხელვაჩაურის მუნიციპალიტეტის საჯარო სკოლებში „ბოლო ზართან“ დაკავშირებით საზეიმო ღონისძიებები გაიმართა.
კაპრეშუმის საჯარო სკოლაში გამართულ ღონისძიებას ხელვაჩაურის მუნიციპალიტეტის მერი ზაზა დიასამიძე, აჭარის განათლებისა და სპორტის მინისტრი მაია ხაჯიშვილი, ხელვაჩაურის მუნიციპალიტეტის საკრებულოს თავმჯდომარე არჩილ მხეიძე და რესურსცენტრის ხელმძღვანელი ხათუნა დიდმანიძე დაესწრნენ.
სტუმრებმა მეთორმეტეკლასელებს სკოლის დამთავრება მიულოცეს, წარმატებები და ღირსეული მომავალი უსურვეს და ასევე დაესწრნენ მეთორმეტეკლასელების მიერ, წარმოდგენილ ღონისძიებას.
„ბოლო ზარი“ თითოეული ახალგაზრდის ცხოვრებაში მნიშვნელოვანი ეტაპია დღე, რომელიც ბავშვობის დასრულებასა და ახალი შესაძლებლობებით სავსე ცხოვრების დაწყებას უკავშირდება.
ხელვაჩაურის მუნიციპალიტეტის მასშტაბით წელს სკოლა 648 მოსწავლემ დაამთავრა, ყველა კურსდამთავრებულს ვულოცავთ და წარმატებულ მომავალს ვუსურვებთ. ✨
