#ხელვაჩაური
#ჭარნალისსკვერი
ხელვაჩაურის მუნიციპალიტეტში ინფრასტრუქტურული პროექტების ფარგლებში, სოფელ ჭარნალში საზოგადოებრივი სკვერის მშენებლობა დაიწყო. მიმდინარე სამუშაოებს ხელვაჩაურის მუნიციპალიტეტის მერი ზაზა დიასამიძე გაეცნო.
პროექტის ფარგლებში მოეწყობა განათების სისტემები, საბავშვო ატრაქციონები, ტრენაჟორები, დაიგება მწვანე საფარი და განთავსდება საპარკო ინვენტარი, რეკრეაციული სივრცე დაახლოებით 1700 კვ. მ ტერიტორიაზე განთავსდება, ამ ეტაპისთვის მიმდინარეობს ტერიტორიის მოსამზადებელი სამუშაოები.
პროექტი, რომლის ღირებულება 496 000 ლარს შეადგენს, შემოდგომაზე დასრულდება.
სამშენებლო სამუშაოების მიმდინარეობას ხელვაჩაურის მუნიციპალიტეტის მერთან ერთად, საკრებულოს თავმჯდომარე თენგიზ ირემაძე, საკრებულოს უმრავლესობის წევრები და სამსახურის ხელმძღვანელები გაეცნენ.
