,,სოფლის მხარდაჭერის პროგრამის” ფარგლებში, პრიორიტეტების განსაზღვრის მიზნით მოსახლეობასთან შეხვედრები დაიწყო, პროგრამის ფარგლებში კრებები მუნიციპალიტეტის 64-ვე სოფელში გაიმართება და განსახორციელებელ პროექტებს თავად მოსახლეობა ღია კენჭისყრით შეარჩევს.
ხელვაჩაურის მუნიციპალიტეტის მერი ზაზა დიასამიძე, საკრებულოს თავმჯდომარე თენგიზ ირემაძე, მერის მოადგილე გიორგი ქარცივაძე, საკრებულოს წევრები და სხვადასხვა სამსახურის თანამშრომლები სოფელ მახინჯაურის, შუა მახინჯაურის და განთიადის მოსახლეობას შეხვდნენ, პროგრამის ბიუჯეტი 968 000 ლარია.
აღნიშნული ფორმატის შეხვედრები, მოსახლეობის აქტიურ ჩართულობას და მოქალაქეთა გადაწყვეტილების საფუძველზე პროგრამის ფარგლებში გამოყოფილი თანხით პრიორიტეტების დაგეგმვას ითვალისწინებს, რომ მოსახლეობამ პრიორიტეტების მიხედვით თავად აირჩიოს საკუთარ სოფელში განსახორციელებელი პროექტები.
შეხვედრები მიმდინარე წლის 12 მარტს დაიწყო და 21 მარტამდე გაგრძელდება.
#სოფლისბიუჯეტი
#სოფლისმხარდაჭერისპროგრამა2024
