ხელვაჩაურის მუნიციპალიტეტში, მიმდინარე წელს “სოფლის მხარდაჭერის პროგრამის” ფარგლებში 2824 კუბური მეტრი ბეტონი დაეგო და ადგილობრივი მნიშვნელობის 10 კმ-მდე საავტომობილო გზაზე ბეტონის საფარი მოწესრიგდა. ასევე, პროგრამის ფარგლებში 19 ლოკაციაზე მოეწყო გარე განათება.
პროგრამის თანახმად, სოფლად მცხოვრები მოსახლეობა ჩართულია საჭიროებების, პრიორიტეტების განსაზღვრასა და გადაწყვეტილების მიღების პროცესში და ადგილობრივი მოსახლეობა განსაზღვრავს საკუთარ სოფელში განსახორციელებელი პროექტების ნუსხას. მოსახლეობამ წელსაც მზა ბეტონი და გარე განათება აირჩია.
