ხელვაჩაურის მუნიციპალიტეტში „სოფლის მხარდაჭერის პროგრამის“ ფარგლებში შიდა სასოფლო გზების მოწესრიგების მიზნით მზა ბეტონის დაგება დაიწყო.
პროგრამის ფარგლებში მუნიციპალიტეტის სოფლებში გაიმართა მოსახლეობასთან შეხვედრები, სადაც ადგილობრივებს შესაძლებლობა ჰქონდათ თავად ჩართულიყვნენ გადაწყვეტილების მიღების პროცესში და შეერჩიათ საკუთარი სოფლისთვის პრიორიტეტული პროექტები.
მიმდინარე წელს ხელვაჩაურის მუნიციპალიტეტში ადგილობრივი მნიშვნელობის საავტომობილო გზებზე 2525 კუბური მეტრი მზა ბეტონის დაგება არის დაგეგმილი, რაც სოფლებში საგზაო ინფრასტრუქტურის გაუმჯობესებასა და უსაფრთხო გადაადგილების უზრუნველყოფას შეუწყობს ხელს.
პროექტის განხორციელებისთვის 968 000 ლარია გამოყოფილი. სამუშაოები მუნიციპალიტეტის სხვადასხვა სოფელში ეტაპობრივად განხორციელდება.
