ქალაქ ბათუმში გაიმართა ტურიზმისა და სასტუმრო აღჭურვილობის მე-17 საერთაშორისო გამოფენის – EBIT 2026-ის გახსნის ცერემონია.
„Expo Batumi 2026“-ის ფარგლებში გამართულ ღონისძიებაში მონაწილეობა მიიღო აჭარის მთავრობის თავმჯდომარე, ზურაბ პატარაძემ. გახსნას ასევე დაესწრო ხელვაჩაურის მუნიციპალიტეტის მერი, ზაზა დიასამიძე.
გამოფენაში ხელვაჩაურის მუნიციპალიტეტიც აქტიურად იყო წარმოდგენილი. სტუმრებს საშუალება ჰქონდათ გაცნობოდნენ მუნიციპალიტეტისთვის დამახასიათებელ ტრადიციულ კერძებს, დაეთვალიერებინათ ტურისტული გზამკვლევი და დასწრებოდნენ ფოლკლორული ანსამბლების კონცერტს.
ღონისძიებას ასევე, ესწრებოდნენ აჭარის მთავრობის წევრები, მუნიციპალიტეტების მერები და საკრებულოს თავმჯდომარეები, ტურიზმის დეპარტამენტის წარმომადგენლები, ტრაპიზონისა და ართვინის გუბერნატორები, ასევე ბიზნეს სექტორის წარმომადგენლები.
ტურიზმისა და სასტუმრო აღჭურვილობის მე-17 საერთაშორისო გამოფენაში მონაწილეობს 80-მდე ადგილობრივი და საერთაშორისო ტურისტული კომპანია, ღონისძიება „Expo Batum“-ის ორგანიზებით, მიმდინარეობს 30 აპრილიდან 2 მაისის ჩათვლით, სასტუმრო „Sheraton Batumi Hotel“-ში.
