ხელვაჩაურის მუნიციპალიტეტში საჯარო სკოლების გუნდებს შორის თეატრალური კონკურსი გაიმართა, რომელიც რამდენიმე წელია ტარდება.
კონკურსი ორ ეტაპად ჩატარდა და მონაწილე 10 სკოლის გუნდიდან ფინალურ ტურში გადავიდა ოთხი საუკეთესო გუნდი: ფერიის, ახალშენის N1, ქვემო ახალშენისა და სალიბაურის N2 საჯარო სკოლებიდან.
ღონისძიებას ესწრებოდნენ ხელვაჩაურის მუნიციპალიტეტის მერი, ზაზა დიასამიძე, აჭარის განათლებისა და სპორტის მინისტრის მოადგილე, თათია გორგილაძე, მერის მოადგილე, საკრებულოს თავმჯდომარის მოადგილე, რესურსცენტრის ხელმძღვანელი, საკრებულოს წევრები.
კონკურსის გამარჯვებულები დაჯილდოვდნენ სიგელებითა და სიმბოლური საჩუქრებით.
