ხელვაჩაურის მუნიციპალიტეტის მერმა, ზაზა დიასამიძემ, მოადგილეებთან ერთად, მერიის სამსახურების, მუნიციპალური ორგანიზაციების ხელმძღვანელებთან და მერის წარმომადგენლებთან სამუშაო შეხვედრა გამართა.
შეხვედრაზე განიხილეს მუნიციპალიტეტში სხვადასხვა მიმართულებით მიმდინარე საქმიანობა, შესრულებული სამუშაოების შედეგები და უახლოესი პერიოდის პრიორიტეტები. განსაკუთრებული ყურადღება დაეთმო დაგეგმილი ინფრასტრუქტურული და მუნიციპალური პროექტების დროულ და ეფექტიან განხორციელებას, ასევე უწყებებს შორის კოორდინირებული თანამშრომლობის მნიშვნელობას.
საუბარი შეეხო ტურისტული სეზონისთვის მზადების პროცესსაც. აღინიშნა, რომ შესაბამისი სამსახურები აქტიურად მუშაობენ, რათა მუნიციპალიტეტი სეზონს მომზადებული დახვდეს.
