ხელვაჩაურის მუნიციპალიტეტში, აჭარის სოფლის მეურნეობის მინისტრი დენის სალუქვაძე და ხელვაჩაურის მუნიციპალიტეტის მერი ზაზა დიასამიძე მეწარმეებს შეხვდნენ.
შეხვედრების ფარგლებში ადგილობრივ ფერმერებს და აგრომეწარმეებს დეტალურად გააცნეს 2026 წელს დაგეგმილი მხარდაჭერის მექანიზმები, რაც სოფლის მეურნეობის განვითარებას, წარმოების ზრდასა და ფერმერთა ხელშეწყობას ისახავს მიზნად.
აჭარის მთავრობის მხარდაჭერით, სამინისტრო 2026 წელს განახორციელებს სოფლისა და სოფლის მეურნეობის განვითარების ხელშეწყობის პროგრამას, რომელიც ორ კომპონენტს მოიცავს. საოჯახო მეურნეობების განვითარების ხელშეწყობის ფარგლებში დაფინანსდება 2 500 პროექტი, ხოლო სოფლად მეწარმეობის განვითარების ხელშეწყობის ფარგლებში არანაკლებ 7 პროექტი.









