#35_წელი_9_აპრილის_ტრაგედიიდან
#მადლობა_თავისუფლებისთვის
ხელვაჩაურის მუნიციპალიტეტის მერმა ზაზა დიასამიძემ, საკრებულოს თავმჯდომარე თენგიზ ირემაძესთან, უმაღლესი საბჭოს მაჟორიტარ დეპუტატ ფრიდონ ფუტკარაძესთან და საზოგადოების სხვა წარმომადგენლებთან ერთად, 9 აპრილის მემორიალი ყვავილებით შეამკეს და დაღუპული გმირებს ხსოვნას პატივი მიაგეს.
1989 წლის 9 აპრილი იყო უდიდესი ტრაგედია ჩვენი ქვეყნისთვის, ამ დღეს უდიდესი გარდატეხა მოხდა თითოეული ქართველის ცნობიერებაში, ეს ის შემთხვევაა როცა ერის მეხსიერებაში სამუდამოდ დარჩა და არასდროს, მიეცემა დავიწყებას იმ ადამიანების სახელები, რომელთა სიცოცხლე საძირკვლად უდევს ჩვენი ქვეყნის დამოუკიდებლობას.
9 აპრილი საქართველოს უახლესი ისტორიის ერთ-ერთი ტრაგიკული და ამავდროულად, მნიშვნელოვანი თარიღია, საქართველოს დამოუკიდებლობის მოთხოვნით მოწყობილი მშვიდობიანი დემონსტრაცია საბჭოთა არმიის საგანგებო დანიშნულების ჯარისკაცებმა სასტიკად დაარბიეს, რასაც 21 მშვიდობიანი მოქალაქის სიცოცხლე ემსხვერპლა, ამ დღეს საფუძველი ჩაეყარა, ჩვენი ქვეყნის დამოუკიდებლობას.
