ხელვაჩაურის სასპორტო სკოლის ძალოსანმა ატაცში ვერცხლის, ორჭიდში კი ოქროს მედალი მოიპოვა!
პოლონეთში მიმდინარე U23 ძალოსანთა ევროპის ჩემპიონატზე ნაკრების მთავარი მწვრთნელის, გიორგი ასანიძის ხელმძღვანელობით არჩილ მალაყმაძემ წარმატებით (81 კგ.) იასპარეზა.
ძალოსანმა ევროპირველობის ატაცში 148 / 152 / 154 კგ. დაძლია, ვერცხლის მედალი მოიპოვა და ევროპის ვიცე-ჩემპიონობა იზეიმა!
მალაყმაძემ აკვრაში დაძლეული 177 / 181 კილოგრამით მე-4 ადგილი დაიკავა, ხოლო ორჭიდში მოგროვილი 335 კილოგრამით მკერდი ოქროს მედლით დაიმშვენა და ევროპის ჩემპიონობა იზეიმა.