ბათუმის შემოვლითი 14 კმ-იანი მაგისტრალური გზის მშენებლობა დასრულდა.
პროექტის ფარგლებში, მოეწყო 2 ზოლიანი ასფალტ-ბეტონის გზა, 20 ხიდი და 5 გვირაბი.
14 კმ-იანი გზა გვერდს უვლის ბათუმს და სრულად განტვირთავს ქალაქს ტრანზიტული მოძრაობისგან. ახალი გზა იწყება მახინჯაურთან და სრულდება ხელვაჩაურში, თუმცა, სატრანსპორტო კვანძებით უკავშირდება მიმდებარე დასახლებებსა და ბათუმის სხვადასხვა უბნებს.
ახალი მაგისტრალური გზა აშენებულია საგზაო უსაფრთხოების საერთაშორისო ნორმებისა და სტანდარტების შესაბამისად, განხორციელდა საგზაო უსაფრთხოების ყველა ღონისძიება და უმაღლესი სტანდარტისთვის, უზრუნველყოფილია საგზაო განათების სისტემით.
ბათუმის შემოვლითი გზის მშენებლობის პროექტი აზიის განვითარების ბანკისა (ADB) და აზიის ინფრასტრუქტურის საინვესტიციო ბანკის მხარდაჭერით განხორციელდა, გზის პროექტის მშენებლობის ღირებულებამ 330 მილიონი ლარი შეადგინა.





