ხელვაჩაურის ახალგაზრდობის ცენტრის ორგანიზებით ,,იუმორისტული ჩემპიონატი” გაიმართა, რომელშიც მონაწილეობდა მუნიციპალიტეტის საჯარო სკოლის მოსწავლეებისგან დაკომპლექტებული ექვსი გუნდი.
თასის მოსაპოვებლად, ერთმანეთს ეჯიბრებოდნენ აჭარისწყლის, ერგეს, ახალშენის N1, ქედქედის და ქვემო ახალშენის საჯარო სკოლების გუნდები, კონკურსმა დარბაზში, სახალისო განწყობა შექმნა.
ჟიურის გადაწყვეტილებით, ჩემპიონატის გამარჯვებული გახდა ერგეს საჯარო სკოლის გუნდი – „მოგზაურები“, რომლებმაც პირველი ადგილი და თასი მოიპოვეს. მეორე საპრიზო ადგილი ქედქედის სკოლის გუნდმა – „იბრეთებმა“ დაიკავა. ღონისძიების ფარგლებში ასევე გამოვლინდა სპეციალური ნომინაციების გამარჯვებულები. მათ მაღაზიის სასაჩუქრე ვაუჩერები გადაეცათ.
ღონისძიებას, ხელვაჩაურის მუნიციპალიტეტის მერის პირველი მოადგილე, მირიან კვირიტიძე, საკრებულოს წევრები და მოწვეული სტუმრები ესწრებოდნენ.
