სოფელ ჭარნალში ახლად რეაბილიტირებული სპორტული მოედანი ხელვაჩაურის მუნიციპალიტეტის მერმა, ზაზა დიასამიძემ, დაათვალიერა.
პროექტის ფარგლებში განხორციელდა სპორტული მოედნის სრული რეაბილიტაცია: მოეწყო სექციური ტიპის ღობე, დამონტაჟდა გარე განათება, განახლდა გასახდელები და საშხაპე სივრცე. ობიექტი აღჭურვილია თანამედროვე სტანდარტების შესაბამისად.
მიმდინარე ინფრასტრუქტურული პროექტები მუნიციპალიტეტის მერთან ერთად დაათვალიერეს ხელვაჩაურის საკრებულოს თავმჯდომარემ თენგიზ ირემაძემ, აჭარის უმაღლესი საბჭოს წევრმა მინდია დიასამიძემ და ადგილობრივი თვითმმართველობის წარმომადგენლებმა.
ინფრასტრუქტურული პროექტების მიზანია ადგილობრივი მოსახლეობისთვის ცხოვრების ხარისხის გაუმჯობესება და საზოგადოებრივი სერვისების ხელმისაწვდომობის ზრდა.
