აჭარის სოფლის მეურნეობის სამინისტროს ა(ა)იპ აგროსერვის ცენტრის პროგრამის, „მეფუტკრეობის განვითარების ხელშეწყობა“ – ფარგლებში, სკების გაცემა გრძელდება.
ქვეპროგრამის ფარგლებში მეფუტკრე ფერმერებს და სასოფლო-სამეურნეო სტატუსის მქონე კოოპერატივებს აგროსერვის ცენტრის 70 % -ანი თანადაფინანსებით სკები გადაეცემათ. ქვეპროგრამა ხორციელდება მეფუტკრეობის დარგის განვითარების, ფუტკრის ოჯახების გამრავლებისა და ამორტიზებული სკების ჩანაცვლების მიზნით.
ხელვაჩურის მუნიციპალიტეტში, სკების განაწილების პროცესს ხელვაჩაურის მუნიციპალიტეტის მერის პირველი მოადგილე მირიან კვირიტიძე, აგროსერვის ცენტრის დირექტორი რაულ თავართქილაძე, დირექტორის მოადგილე მირზა სუქნიშვილი და „მეფუტკრეობის განვითარების ხელშეწყობა“ პროგრამის ხელმძღვანელი გურამ ტარიელაძე დაესწრნენ.
პროგრამა ხორციელდება აჭარის ყველა მუნიციპალიტეტში. ხელვაჩაურის მუნიციპალიტეტში აღნიშნული პროგრამით 558 სკა გაიცემა.
