აჭარის სოფლის მეურნეობის მინისტრმა დენის სალუქვაძემ, ციტრუსის სეზონის ორგანიზებულად ჩატარების მიზნით შეხვედრა გაიმართა.
შეხვედრას ხელვჩაურის მუნიციპალიტეტის მერი ზაზა დიასამიძე, ქობულეთის მუნიციპალიტეტის მერი ირაკლი ცეცხლაძე, სამინისტროს წარმომადგენლები და ციტრუსის მიმღებ-გადამამუშავებელი საწარმოების ხელმძღაველები ესწრებოდნენ.
შეხვედრაზე მხარეებმა ციტრუსის დაბინავების, სეზონის მიმდინარეობის და ექსპორტის საკითხები განიხილეს. შეხვედრისას ასევე საუბარი შეეხო არასტანდარტული მანდარინის გადამუშავებისა და სახელმწიფო მხარდაჭერის მნიშვნელობის საკითხებს.
ნარინჯისფერი რთვლის ორგანიზებულად ჩატარების მიზნით, აქტიურად ფუნქციონირებს ციტრუსის საკოორდინაციო შტაბი. შტაბის მიზანი ციტრუსის ლოჯისტიკის, რეალიზაციისა და სუბსიდირების პროცესების კოორდინაციაა. შტაბი მუშაობას პირველ თებერვლამდე გააგრძელებს. ასევე, მოქმედებს ცხელი ხაზი – 1501, სადაც მოქალაქეებს საჭირო ინფორმაციის მიღება შეუძლიათ.
