ხელვაჩაურის მუნიციპალიტეტის მერმა, ზაზა დიასამიძემ, სამუშაო შეხვედრა გამართა მუნიციპალიტეტის ხელმძღვანელ პირებთან. შეხვედრას მერის მოადგილეები, სტრუქტურული ერთეულების ხელმძღვანელები, მუნიციპალური ორგანიზაციების ხელმძღვანელები და ადმინისტრაციული ერთეულების წარმომადგენლები ესწრებოდნენ.
შეხვედრის ფარგლებში მერმა დეტალურად მოისმინა ინფორმაცია მუნიციპალიტეტში მიმდინარე ინფრასტრუქტურული პროექტების დასრულების, ჯანდაცვის სფეროში განხორციელებული და დაგეგმილი აქტივობების, კულტურული ღონისძიებების და 2025 წლის ბიუჯეტის შესრულების შესახებ. განსაკუთრებული ყურადღება დაეთმო თემებში ზამთრის სეზონისთვის მოსამზადებელ ღონისძიებებს.
მერი ასევე, გაეცნო მუნიციპალიტეტში დაგეგმილი წინასაახალწლო ღონისძიებების შესახებ ინფორმაციას. შეხვედრის ბოლოს გაიცა შესაბამისი დავალებები.
