ხელვაჩაურის სასპორტო სკოლის ინიციატივითა და აჭარის კონტაქტური კარატეს ფედერაციის მხარდაჭერით, ხელვაჩაურის სასპორტო სკოლაში გაიმართა, ხელვაჩაურის ღია საერთაშორისო პირველობა კონტაქტურ კარატეში.
ტურნირი ჩატარდა გოგონებსა და ვაჟებს შორის 26 წონით კატეგორიაში. შეჯიბრებაში მონაწილეობა მიიღო საქართველოს სხვადასხვა რეგიონის 7 გუნდმა და ისრაელის ჭაბუკთა ნაკრებმა, ჯამში 150-ზე მეტმა სპორტსმენმა, რომლებმაც მაღალი პროფესიონალიზმი და სპორტული სულისკვეთება გამოავლინეს.
ღონისძიებას ესწრებოდნენ ხელვაჩაურის მუნიციპალიტეტის მერი ზაზა დიასამიძე, მერის მოადგილეები, საკრებულოს წევრები, ხელვაჩაურის სასპორტო სკოლის დირექტორი და აჭარის კონტაქტური კარატეს ფედერაციის პრეზიდენტი.
ტურნირზე წარმატებით იასპარეზეს ხელვაჩაურის სასპორტო სკოლის სპორტსმენებმა და შემდეგი საპრიზო ადგილები მოიპოვეს:
🥉 გიორგი გვიანიძე – ბრინჯაო
🥉 დათუნა შაშიკაძე – ბრინჯაო
🥉 ნინო მსხლაძე – ბრინჯაო
გამარჯვებული და საპრიზო ადგილების მფლობელი სპორტსმენები სტუმრებმა თასებით, სიგელებითა და მედლებით დააჯილდოვეს.
ვულოცავთ ყველა მონაწილეს ღირსეულ გამოსვლას და წარმატებებს ვუსურვებთ მომავალ შეჯიბრებებში.
