ხელვაჩაურის მუნიციპალიტეტში წყალმომარაგებისა და წყალარინების სისტემების მშენებლობა მიმდინარეობს.
სოფელ ზედა ჯოჭოში 200 და 400 მ3 რეზერვუარების მშენებლობა დაიწყო, პარალელურად მიმდინარეობს წყალმომარაგების ქსელების მოწყობა.
სოფელ კირნათსა და კობალეთში 100 კუბური მეტრის მოცულობის წყლის რეზერვუარის მშენებლობა დასრულდა და დაგეგმილია ტესტირების სამუშაოები.
აჭარაში მიმდინარე მასშტაბური სამუშაოები წყალმომარაგების სათავე ნაგებობების, მაგისტრალური მილსადენების, რეზერვუარების, გამწმენდი ნაგებობებისა და წყალარინების ქსელის მშენებლობას ითვალისწინებს.
ხელვაჩაურის მუნიციპალიტეტში ახალი კომუნალური ინფრასტრუქტურით 1 100 ოჯახი ისარგებლებს.
