ახალშენის საბავშვო ბაღში სასკოლო ჯგუფების გამოსაშვები ზეიმი გაიმართა.
ღონისძიების ფარგლებში საბავშვო ბაღის აღსაზრდელებისა და მშობლების ჩართულობით მრავალფეროვანი აქტივობები გაიმართა. პატარებმა დამსწრე საზოგადოებას მუსიკალური, საცეკვაო და გასართობი ნომრები წარუდგინეს, რაც განსაკუთრებული სითბოთი და დადებითი ემოციებით იყო სავსე.
ღონისძიებას ხელვაჩაურის მუნიციპალიტეტის მერის მოადგილე გიორგი ქარცივაძე, საბავშვო ბაღების გაერთიანების ხელმძღვანელი ლია გოგიტიძე, ასევე მუნიციპალიტეტის საკრებულოსა და მერიის წარმომადგენლები ესწრებოდნენ.
ეს დღე განსაკუთრებული მნიშვნელობის იყო აღსაზრდელებისთვის, რომლებიც ცხოვრების ახალ და მნიშვნელოვან ეტაპზე გადადიან. საბავშვო ბაღი მათთვის პირველი მეგობრობის, ცოდნის შეძენის, განვითარების, თამაშისა და ბედნიერი ბავშვობის მოგონებების შექმნის სივრცე იყო.
ვულოცავთ პატარებს საბავშვო ბაღის წარმატებით დასრულებას და ვუსურვებთ ბედნიერ, საინტერესო და წარმატებებით სავსე სასკოლო ცხოვრებას.
