ხელვაჩაურის მუნიციპალიტეტში, მაჭახელას ხეობაში, მეწყრული პროცესების შედეგად დაზიანებული საგზაო ინფრასტრუქტურის აღდგენის სამუშაოები ინტენსიურ რეჟიმში მიმდინარეობს.
მიმდინარე სამუშაოები ხელვაჩაურის მუნიციპალიტეტის მერმა, ზაზა დიასამიძემ, აჭარის საავტომობილო გზების დეპარტამენტის ხელმძღვანელთან ზაზა შავაძესთან ერთად დაათვალიერა.
პროექტის ფარგლებში გათვალისწინებულია საყრდენი კედლების მშენებლობა და გზის სავალი ნაწილის სრულყოფილი აღდგენა. ამ ეტაპზე მიმდინარეობს საყრდენი კედლების საძირკვლის მოწყობის სამუშაოები.
პროექტები აჭარის საავტომობილო გზების დეპარტამენტის მიერ ხორციელდება და აღნიშნული სამუშაოებისათვის დეპარტამენტის ბიუჯეტიდან 3 662 696 ლარი დაიხარჯება. პროექტი გარდამავალია და 2027 წელს დასრულდება.
სამუშაოების მიმდინარეობას ასევე გაეცნენ ხელვაჩაურის მუნიციპალიტეტის საკრებულოს თავმჯდომარე არჩილ მხეიძე, ხელვაჩაურის დელეგატი აჭარის უმაღლეს საბჭოში, საკონსტიტუციო, იურიდიულ და საპროცედურო საკითხთა კომიტეტის თავმჯდომარე მინდია დიასამიძე, მერის მოადგილეები, საკრებულოს თავმჯდომარის მოადგილე და აჭარის საავტომობილო გზების დეპარტამენტის წარმომადგენლები.
