ხელვაჩაურის მუნიციპალიტეტის მერმა, ზაზა დიასამიძემ, საკრებულოს თავმჯდომარე არჩილ მხეიძესთან ერთად, აჭარისწყლის ადმინისტრაციულ ერთეულში დასრულებული ინფრასტრუქტურული პროექტი დაათვალიერა და ადგილობრივ მოსახლეობას შეხვდა.
სოფელ კიბეში სკვერის მშენებლობა დასრულდა. პროექტების ფარგლებში, სკვერში განთავსდა მოსასვენებელი სკამები, სანაგვე ურნები, გარე განათების ქსელი და ფანჩატური.
მსგავსი რეკრეაციული სივრცეების მშენებლობა მნიშვნელოვანია სოფელის ინფრასტრუქტურის განვითარებისა და ახალგაზრდებისთვის ჯანსაღი ცხოვრების წესის პოპულარიზაციისათვის.
დასრულებული ინფრასტრუქტურული სამუშაოები, მუნიციპალიტეტის მერთან ერთად ხელვაჩაურის დელეგატმა აჭარის უმაღლეს საბჭოში, საკონსტიტუციო, იურიდიულ და საპროცედურო საკითხთა კომიტეტის თავმჯდომარე მინდია დიასამიძემ, მერის მოადგილეებმა და მერიის სამსახურის წარმომადგენლებმა მოინახულეს.
