ხელვაჩაურის მუნიციპალიტეტის მერმა ზაზა დიასამიძემ მოადგილეებთან ერთად, მერიის შესაბამისი სამსახურების წარმომადგენლებთან და ხელვაჩაურის მუნიციპალიტეტის საბავშვო ბაღების გაერთიანების თანამშრომლებთან სამუშაო შეხვედრა გამართა.
შეხვედრაზე ახალი სასწავლო-სააღმზრდელო წლის დაწყების სამზადისთან დაკავშირებული საკითხები განიხილეს. საუბარი შეეხო სკოლამდელ სააღმზრდელო დაწესებულებებში სასწავლო პროცესის ორგანიზებას, არსებულ საჭიროებებსა და იმ ღონისძიებებს, რომლებიც ბავშვებისთვის უსაფრთხო და კეთილმოწყობილი გარემოს უზრუნველყოფას შეუწყობს ხელს.
შეხვედრის მონაწილეებმა სამომავლო გეგმებსა და განსახორციელებელ სამუშაოებზე იმსჯელეს და ახალი სასწავლო-სააღმზრდელო წლის წარმატებით დაწყებისთვის საჭირო საკითხები განიხილეს.
