ხელვაჩაურის მუნიციპალიტეტში საგზაო ინფრასტრუქტურის გაუმჯობესების მიზნით ორთაბათუმის ადმინისტრაციულ ერთეულში შიდა სასოფლო გზის რეაბილიტაცია მიმდინარეობს.
სოფელ მასაურაში მიმდინარე სამუშაოები, ხელვაჩაურის მუნიციპალიტეტის მერმა ზაზა დიასამიძემ, საკრებულოს თავმჯდომარე არჩილ მხეიძესთან ერთად დაათვალიერა.
პროექტის ფარგლებში მოეწყობა 800 მეტრი სიგრძის შიდა სასოფლო გზა, რაც ადგილობრივი მოსახლეობის უსაფრთხო და კომფორტული გადაადგილების უზრუნველყოფს.
მიმდინარე სამუშაოები მერთან ერთად ასევე, დაათვალიერეს აჭარის უმაღლეს საბჭოში ხელვაჩაურის დელეგატმა, საკონსტიტუციო, იურიდიულ და საპროცედურო საკითხთა კომიტეტის თავმჯდომარე მინდია დიასამიძემ, მერის მოადგილე მანუჩარ მანველიძემ, საკრებულოს წევრებმა და მერიის შესაბამისი სამსახურის წარმომადგენლებმა.
