ციტრუსის სეზონის მოსამზადებელ სამუშაოებთან დაკავშირებით სამუშაო შეხვედრა გაიმართა.
შეხვედრას ხელვაჩაურის მუნიციპალიტეტის მერი ზაზა დიასამიძე, აჭარის სოფლის მეურნეობისა და გარემოს დაცვის მინისტრი დენის სალუქვაძე ქობულეთის მუნიციპალიტეტის მერი ირაკლი ცეცხლაძე ესწრებოდა.
შეხვედრის მიზანი იყო ციტრუსის სეზონის შეუფერხებლად წარმართვისთვის საჭირო საორგანიზაციო საკითხების განხილვა, მუნიციპალიტეტებს შორის კოორდინაციის გაძლიერება და ციტრუსის მოსავლის დაბინავებისა და რეალიზაციის პროცესის ხელშეწყობა.
ყურადღება გამახვილდა მოსავლის აღებისა და ტრანსპორტირების პროცესის ორგანიზებაზე, ციტრუსის მიმღებ-გადამამუშავებელ საწარმოებთან დაკავშირებულ საკითხებზე, ფერმერთა საჭიროებებსა და სეზონის განმავლობაში წარმოქმნილი შესაძლო გამოწვევების დროულად მოგვარებაზე.

ხელვაჩაურის მუნიციპალიტეტში საგზაო ინფრასტრუქტურის გაუმჯობესების მიზნით, ჭარნალის ადმინისტრაციულ ერთეულში, სოფელ ახალსოფელში, შიდა სასოფლო გზის რეაბილიტაცია მიმდინარეობს.

მიმდინარე სამუშაოები ხელვაჩაურის მუნიციპალიტეტის მერმა ზაზა დიასამიძემ საკრებულოს თავმჯდომარე არჩილ მხეიძესთან ერთად დაათვალიერა.

პროექტის ფარგლებში დაგეგმილია 560 მეტრი სიგრძის შიდა სასოფლო გზის მოწყობა, 250 მეტრი სიგრძის სანიაღვრე არხის მშენებლობა, 16-მეტრიანი ნაპირსამაგრი კედლისა და სამანქანე ხიდის მოწყობა.

აღნიშნული ინფრასტრუქტურული სამუშაოები ხელს შეუწყობს ადგილობრივი მოსახლეობის უსაფრთხო და კომფორტულ გადაადგილებას და უზრუნველყოფს ტერიტორიის ინფრასტრუქტურის განვითარებას.

სამუშაოების მიმდინარეობას ასევე გაეცნენ აჭარის ავტონომიური რესპუბლიკის უმაღლესი საბჭოს წევრი, ხელვაჩაურის დელეგატი და საკონსტიტუციო, იურიდიულ და საპროცედურო საკითხთა კომიტეტის თავმჯდომარე მინდია დიასამიძე, მერის მოადგილე მანუჩარ მანველიძე, საკრებულოს წევრები და მერიის შესაბამისი სამსახურების წარმომადგენლები.

ხელვაჩაურის მუნიციპალიტეტის მერმა ზაზა დიასამიძემ, მერის მოადგილეებთან ერთად, მერიის სტრუქტურული ერთეულების, მუნიციპალური ორგანიზაციების ხელმძღვანელებთან და მერის წარმომადგენლებთან სამუშაო შეხვედრა გამართა.

შეხვედრაზე განიხილეს მუნიციპალიტეტში მიმდინარე სამუშაოები, პრიორიტეტული მიმართულებები, დაგეგმილი ინფრასტრუქტურული, სოციალური და კულტურული პროექტები.

განსაკუთრებული ყურადღება დაეთმო ადმინისტრაციულ ერთეულებში არსებული გამოწვევების შეფასებას, მოსახლეობის საჭიროებებზე ოპერატიულ რეაგირებასა და მუნიციპალური სერვისების ხარისხის კიდევ უფრო გაუმჯობესების საკითხებს.

შეხვედრის დასასრულს მერმა კონკრეტული დავალებები და რეკომენდაციები გასცა.