ხელვაჩაურის მუნიციპალიტეტის მერმა ზაზა დიასამიძემ, მერის მოადგილესთან ერთად, მუნიციპალური ინსპექციის, ინფრასტრუქტურისა და კეთილმოწყობის სამმართველოს ხელმძღვანელ პირებთან სამუშაო შეხვედრა გამართა.
შეხვედრაზე მერი, სამუშაოების მიმდინარეობის შესახებ ინფორმაციას, 2027 წლისთვის განსაზღვრულ პრიორიტეტებსა და დაგეგმილ ინფრასტრუქტურულ პროექტებს გაეცნო.
შეხვედრის ფარგლებში განხილული იქნა, როგორც განხორციელებული, ისე მიმდინარე და სამომავლოდ დაგეგმილი პროექტები, განსაკუთრებული ყურადღება კი დაეთმო ადმინისტრაციულ ერთეულებში არსებულ საჭიროებებსა და გამოწვევებს.







