ხელვაჩაურის მუნიციპალიტეტის მერიაში, ფერმერებისთვის მიწის უფასოდ დამუშავებასთან დაკავშირებით, მერის წარმომადგენლებთან და სპეციალისტებთან საინფორმაციო შეხვედრა გაიმართა.
შეხვედრას, ხელვაჩაურის მუნიციპალიტეტის მერის მოადგილე გიორგი ქარცივაძე, საკრებულოს თავმჯდომარის მოადგილე ვახტანგ ლორთქიფანიძე, აგროსერვის ცენტრის დირექტორი რაულ თავართქილაძე და მერიის სამსახურის წარმომადგენლები ესწრებოდნენ.
შეხვედრაზე ისაუბრეს, ფერმერებისთვის მიწის უფასოდ დამუშავების შესახებ, ასევე ქვეპროგრამის ეფექტურად და კოორდინირებულად განხორციელების შესახებ.
„აგრო – მომსახურების განვითარების ხელშეწყობა“ ქვეპროგრამის ფარგლებში, აჭარის ა.რ. ტერიტორიაზე მცხოვრებ ფერმერებს, ა(ა)იპ აგროსერვის ცენტრი, საკუთრებაში/სარგებლობაში არსებულ სასოფლო-სამეურნეო სავარგულებს უსასყიდლოდ დაუმუშავებს.
აჭარის მუნიციპალიტეტებში აგრო ვადების დაცვით მოხდება სახნავ-სათესი ფართობების დახვნა, დაფრეზვა და დაფარცხვა. მიმდინარე წელს აჭარის ა.რ. ყველა მუნიციპალიტეტში, დამუშავდება 2200 ჰა. სასოფლო-სამეურნეო დანიშნულების მიწის ფართობი. პროგრამა ხორციელდება 2020 წლიდან.





